Myndarleg...

Voða er það smart eitthvað að borga fötluðum einstaklingum eiungis fyrir 14 tíma vinnuviku þegar fólkið vinnur í reynd 20 tíma. "Ekki eru til nógir peningar" er ástæðan. Mér finnst samt vanta útskýringu á hvers vegna fólkið fær þá ekki bara 14 tíma vinnu á viku og fær að eyða tímanum sínum í eitthvað annað þess á milli.
Annars fer að líða að Kaupmannahafnarferð okkar mömmu og Herdísar Önnu. Svenni ætlar á meðan að færa björg í bú (vonandi!) í Veiðivötnum. Hlakka til að koma aftur til Köben, stefnan er tekin á útsölumok, smurbrauðsát, ölþamb, spássitúra, dýragarðsgláp, hringekjuferðir og fleira skemmtilegt. Vona að rigningin fari að klárast þarna hjá þeim, þetta fer að verða komið gott.
Fórum annars með Herdísi í myndatöku til Árna frænda (hans Palla, en samt okkar allra) Torfasonar í gær. Hann sendi mér tvær myndir áðan, meðal annars þessa hér til hliðar. Ég vona að það sé í lagi að birta hana svona opinberlega, en Árni á hana, vei ykkur sem hyggist stela henni!

Athugasemdir

[Brynja Björnsdóttir, 6.7.2007 kl. 17:58]

svo fin! :)

Arni a einmitt lika thessa :/

goda ferd ut! drekkid einn bjor, bordid eitt braud og russid einn hring fyrir Billu!