Klukk sagði Begga...

Það þýðir víst að ég á að útlista hér átta staðreyndir um sjálfa mig sem kannski eru ekki öllum kunnar...

1) Ég á fjögur systkyni, tvær stjúpsystur, tvö stykki foreldra, tvenna stjúpforeldra, einn afa, tvær ömmur, fjögur eintök af stjúp-öfum og ömmum, eitt barn og einn mann.

2) Mín uppáhalds dýr eru mörgæsir og ég safna litlum eftirmyndum af kvikindunum.

3) Einu sinni fór ég með hlutverk Hannesar Hólmsteins í uppfærslu Stúdentaleikhússins.

4) Þegar ég var 14 langaði mig fátt meira en að lita hárið á mér grænt.

5) Ég er með húðflúr á mjóbakinu hægra megin. Það er stjörnumerkið vogin, 17 ára afmælisgjöf frá mömmu minni.

6) Þegar ég var um níu ára dreymdi mig um að heita Stella...mér fannst það eitthvað svo skvísulegt.

7) Ég hef fjórum sinnum fengið gat á hökuna.

8) Ég borða ekki fiskibollur í dós og ferska tómata.

 

Athugasemdir

[Bergþóra Jónsdóttir, 25.8.2007 kl. 01:29]

þú ert æði!

....þú ert kannski Stella Hertz? (smá bíógáta hér)

ég vildi hins vegar heita Lise-Lotte